திருமண வைபவத்திற்குச் சென்றவர்கள் வைத்தியசாலையில் அனுமதி

திருமண வைபவம் ஒன்றிற்குச் சென்று வீடு திரும்பிக் கொண்டிருந்த பஸ் ஒன்று விபத்துக்குள்ளானதில் ஆறு பேர் வைத்தியசாலையில் அனுமதிக்கப்பட்டுள்ளனர்.

காலி - கொழும்பு வீதியின் தடெல்ல பிரதேசத்தில் இன்று அதிகாலை 3.30 மணியளவில் இவ்விபத்து இடம்பெற்றுள்ளது.

பஸ் சாரதியின் நித்திரைக் கலக்கமே விபத்துக்கான காரணம் என பொலிஸார் தெரிவித்தனர்.

அநுராதபுரத்தில் இடம்பெற்ற திருமண வைபவத்திற்குச் சென்று திரும்பிக் கொண்டிருந்தவர்களே இவ்வாறு விபத்திற்கு முகங் கொடுத்துள்ளனர்.